“Залаты” рамонт гомельскага аблвыканкама, альбо на што ідуць нашыя грошы

Внимание!
В данном посте высказано частное мнение автора, которое может не совпадать с мнением редакции.

Жыхары абласнога цэнтра могуць прыгадаць, што напрыканцы 2015 года фасад гомельскага аблвыканкама пачалі актыўна рамантаваць. Нягледзячы на не самыя прыдатныя тэмпературы працы вяліся вельмі хуткімі тэмпамі – сродкі на рамонт былі вылучаныя і іх трэба было тэрмінова засвоіць. Пры гэтым кошт усіх пераўтварэнняў быў проста вялізарным — па стане на жнівень 2014 года, калі было выдадзена экспертнае заключэнне  на рэалізацыю праекта агульная сума складала 9 723 243 970 рублёў. На той час гэта раўнялася прыкладна 1 мільёну даляраў ЗША!

Задумана было шмат чаго:

  • на ганку будынка мелася з’явіцца падсвятленне ўсіх прыступак і ўваходаў у камітэт (пры гэтым уваходы мусілі быць з абагрэвам),
  • з дапамогай пліткі з тактыльнай паверхняй, падвойных парэнчаў і памяншэння вышыні пляцоўкі ганка да 4 см хацелі паклапаціцца аб маламабільных групах грамадзян,
  • замест старых і высокіх ялінак мусілі замяніць грунт і высадзіць 24 туі дзвух відаў – калонападобнай і шарападобнай, а таксама новы газон, “сцяна” кустоўя і кветнікі для аднагадовых раслін,
  • для арашэння раслін і дрэў мусіла з’явіцца ўбудаваная сістэма ірыгацыйнага абсталявання італьянскай або амерыканскай вытворчасці

і шмат чаго яшчэ.

На этапе заключэння дамовы на ўсе працы (тэндэр выйграў Будтрэст №14) сума рэканструкцыі была зменьшаная і склала  каля паўмільёна даляраў ЗША або 8 239 156 тыс. рублёў.

Вынікі пераўтварэнняў парадавалі не ўсіх. Так гомельскія эколагі наракалі, што частка хмызнякоў і дрэваў, высаджаных пры нізкіх тэмпературах высахлі і вясною 2016 года іх давялося замяняць на новыя.

Фатаздымкі зробленыя ў красавіку 2016 года. Усе пасохлыя насаджэнні пазней былі замененыя на новыя, зразумела за кошт падаткаплатнікаў

Адмысловыя выступы перад будынкам аблвыканкама, у якіх, хутчэй за ўсё, меліся размясціцца роварныя паркоўкі так і не былі абсталяваныя неабходнымі для гэтага прыстасаваннямі. Ну сапраўды — навошта яны там? У выканкамы або на службовых аўто, або на сваіх дваіх са скаргамі.

Тут маглі быць стаянкі для ровараў. Паміж першым і другім паверхам бачныя скрыні для маскавання кандыцыянераў

Пасля рэканструкцыі на будынку аблвыканкама з’явілася не толькі новая сістэма асвятлення, але і адмысловыя скрыні, што меліся схаваць цэлы шэраг кандыцыянераў. Можна было б сказаць, што гэта някепскае рашэнне, якое хоць неяк мусіла схаваць прылады для стварэння добрага мікраклімату ў кабінетах кіраўнікоў…

Вось толькі працуюць тыя кандыцыянеры, відаць, не для ўсіх. У спякотнае надвор’е ўбачыць цалкам ракрытымі амаль усе вокны будынка аблвыканкама – цалкам звычайная з’ява.

Самым вялікім праколам у гэтым дарагім рамонце былі.. сметніцы! Сапраўды можна зрабіць парэнчы з “нержавейкі”, стварыць абліцоўку з дарагіх матэрыялаў і нават абсталяваць уваходы сістэмай падагрэву, але старыя і недафарбаваныя сметніцы выдадуць сапраўдны кошт вашых задумак і пераўтварэнняў.

Можна вычысціць фасад да бляску...

..але сметніца мае быць старай і жахлівай..

..і недафарбаванай!

Можна было б сказаць, што знешні выгляд і рэпрэзентацыя сённяшняй улады гэта цалкам ейная справа. Усё адно яна аддаленая ад народа і даўно жыве сваім насычаным бюракратычным жыццём. Можа сапраўды трэба прыслухацца да адвечнага “мая хата з краю” і не звяртаць увагі на гэтыя праекты і іх кошты?

Але гэта рабіць не выпадае, бо ўсе гэтыя “рамонты за мільён” здзяйсняліся за грошы гомельскіх падаткаплатнікаў. Таму калі вы будзеце злавацца на кепскія дарогі ці недахоп лякарняў у нашым горадзе ды іх якасць, або будзеце наракаць на занядбанасць уласнага пад’езда – прыгадайце новы фасад аблвыканкама.

Пры гэтым у гомельскіх уладаў яшчэ хапае ідэяў куды б увапхнуць нашыя грошы. Вы не паверыце, але яны зноў узяліся  за рамонт будынка аблвыканкама! Гэтым разам акрамя яго мусяць прывесці ў належны выгляд і будынак па вул. Савецкай, 28. Агульная сума пераўтварэнняў – 628 мільёнаў недэнамінаваных рублёў, а тэрмін рэалізацыі – другое паўгоддзе 2016 года…

Яшчэ адной магчымасцю прафесійна засвоіць грошы будуць новыя падземныя пераходы і рэканструкцыі шэрагу вуліц у цэнтры горада. Гэта – сапраўдны кландайк  для любога чыноўніка!

Пры гэтым прыярытэт пры ўсіх пераўтварэннях будзе аддадзены толькі аўтамабілістам. Пешаходам і раварыстам давядзецца яшчэ больш перасоўвацца ў пошуках бліжэйшага перахода (як стала на вуліцы Кірава пасля рэканструкцыі), альбо схіляць галаву і спускацца пад зямлю, бо гэты горад – для машын!

Ля Кіеўскага спуска мае быць падземны пераход

Магчымы выгляд перахода каля палаца спорта. Канешне без чароўнай сметніцы не абыйдзецца!

А нашы грошы засвояць, аб гэтым за нас паклапоцяцца, тут сумневаў няма. Сістэма працуе стабільна, хай і …

Комментарии правила
Вход для авторов

Самое обсуждаемое

Новое в блогах